As chuvias provocan danos en bens patrimonais

As abundantes chuvias dos últimos días provocaron danos en bens patrimoniais localizados en zonas de sensibilidade como as ribeiras ou os cantís mariños. A Fonte de Troncoso (Mondariz) foi afectada poo anegamento do río Tea, segundo a plataforma SOS Fonte de Troncoso. A auga tirou abaixo a reixa de fundición que pechaba parte do edificio, que está pendente das accións de rehabilitación comprometidas pola Xunta. Pola súa banda, o perfil Máis que petróglifos amosou o impacto do temporal no castro de Panxón, onde desprendementos no cantil sacaron á luz restos arqueolóxicos como tégulas romanas.