Galerías e museos ourensáns presentan un programa para atraer público

Baixo o nome de “Enredarte” o museo municipal de Ourense, o Centro Cultural da Deputación, a Escola Antonio Failde e as galerías de arte Visol, Volter, Alterarte e Marisa Marimón pretenden dinamizar a asistencia de público a estes espazos. O primeiro día no que se fará visible este proxecto será o xoves 15, na “noite dos museos”, cando estes centros abran as súas portas ata altas horas da madrugada con diferentes actividades. Unha xornada que se completará durante este mes de maio con actuacións complementarias de música, teatro, recitais poéticos, marionetas e danza.