A Consellaría de Cultura quere implicar a todas as entidades a promover e mellorar os diferentes trazados do Camiño de Santiago. Por iso, a Dirección Xeral de Patrimonio acaba de facer público (a través do DOG) unha convocatoria de axudas para todas as entidades que desenvolven proxectos de conservación, investigación, protección, difusión e outras que repercutan nas rutas xacobeas. En total Cultura achegará 390.000 euros: 240.000 ás propostas presentadas por entidades sen ánimo de lucro e 150.000 ás presentadas por empresas. O prazo de presentación desta convocatoria remata o 31 de maio.
