Diferentes compañías celebran o Día da Danza bailando en espazos atípicos

Cada 29 de abril, data do nacemento do creador do ballet moderno Jean-Georges Noverre, celébrase o Día Mundial da Danza. No noso país, para conmemorar esta data, as produtoras Experimentadanza e EscénaTe desenvolven desde hai varios días o proxecto “Espazos Que Danzan”. Un festival que leva ás cidades da Coruña, Lugo e Vigo pequenas coreografías en espazos pouco habituais, coma escaparates de centros comerciais, museos ou galerías de arte. Canda a este proxecto, a sede compostelá da SGAE tamén celebra a data co inicio do ciclo “Escena Contemporánea” que abren as compañías Druida Danza e BStudio.