Un programa pretende achegar a danza á sociedade buscando espazos representativos

A cadea de Monterroso, o Museo Provincial de Lugo, o Verbum de Vigo ou a galería Ana Vilaseco da Coruña son os espazos que acollerán varias representacións de danza. A iniciativa forma parte do programa “Espazos que danzan” co que diferentes compañías pretenden reivindicar o baile como forma de expresión, ademais de conmemorar o Día Mundial da Danza (29 de abril). Experimenta danza, EscénaTe, Mita Beutel, Mudanza, Guillermo Weickert, Ruth Balbís ou David Loira son algúns dos artistas e compañías que compoñen este programa.