Ía ser unha carpa provisional e quedou durante case vinte anos. Falamos da cuberta instalada en 1989 para recubrir o Dolmen de Dombate e que acaba de ser substituída por unha carpa máis grande e resistente. É o primeiro paso acordado por representantes da Xunta e da Deputación de Coruña, despois de anos de discrepancias. Esta nova carpa tamén será provisional, ata que se constrúa o edificio gañador do concurso de ideas convocado pola Deputación, ao que a Consellaría de Cultura esixe certos cambios.
