Galegapoloscincosentidos concentrará a nosa cultura nunha carpa en Ourense

Unha carpa que concentrará manifestacións culturais galegas dentro do programa de festas de Ourense, entre os días 26 e 29 deste mes. Esta é a proposta de Galegapoloscincosentidos, un programa que inclúe concertos con grupos coma Susana Seivane, Berrogüetto ou The Homens, contacontos de Cándido Pazó ou Quico Cadaval, degustacións gastronómicas, exposicións fotográficas e obradoiros de xogos e danza tradicional. Será na praza Bispo Cesáreo da Cidade das Burgas.