O acordo entre a Deputación da Coruña e mais a Dirección Xeral de Patrimonio permitirá que este mesmo ano comecen as obras da cuberta que protexerá o dolmen de Dombate. Logo de catro anos con este proxecto paralizado, os dous organismos acordaron que se constrúa unha cuberta entre dous e tres metros inferior á proposta da Deputación e que se eliminen certos elementos do interior do conxunto. Ao tempo, acordouse aplicar medidas urxentes para garantir a preservación dos restos.
