Trinta magos, a maioría galegos, achegarán desde o sábado sete días de moita maxia. Trátase da II Semana do Ilusionismo que organiza o Concello de Santiago e que repite a mesma estrutura do ano anterior: espectáculos diarios para o Teatro Principal, funcións para escolares e grandes galas no Auditorio de Galicia. O arxentino René Lavand (Auditorio, luns 14 ás 21:00 horas) é o prato forte desta edición que tamén ofrecerá números adaptados para os hospitais.
