Nas rúas, nos colexios, no auditorio e nos restaurantes. Estes serán os lugares nos que os magos farán os seus trucos de ilusionismo en Lugo. A sexta Semana Internacional da Maxia comeza hoxe na cidade coa actuación do madrileño Jorge Blass (apodado o Copperfield español, con premios como o Frakson ao mellor mago do ano ou a Varita Máxica de Ouro), que presentará o seu espectáculo titulado a arte da maxia. O encontro que organiza o concello de Lugo sucédese ata domingo coa presenza dos mellores magos e ilusionistas internacionais.
