Cento quince concellos súmanse á iniciativa de normalización “Mil festas máis para a lingua galega”

Redondela acollía este venres a presentación do programa “Mil festas máis para a lingua galega”, unha iniciativa que naceu neste concello e que acadou xa o compromiso de 115 municipios e o apoio da Secretaría Xeral de Normalización Lingüística. Os participantes comprométense a cumprir oito puntos nos que se contempla o fomento da toponimia, a corrección lingüística, facer a publicidade en galego ou empregar un mínimo repertorio musical na nosa lingua, entre outros aspectos.