Comeza o Abril dos Libros en Pontevedra

Un ano máis, o Concello de Pontevedra acolle ao longo destes trinta días as actividades do Abril dos Libros. Este programa inclúe a presentación dun libro disco sobre Celso Emilio Ferreiro, a actuación do cómico Rober Bodegas ou a representación da obra “A busca do tesouro”, canda a charlas, obradoiros, e actos institucionais. A iniciativa comeza hoxe coa inauguración da Feira do Proxecto-Edición que organiza a Consellaría de Cultura e mais o Centro Galego de Arte Contemporánea.