Hoxe comezan en Vigo as xornadas dedicadas ao escritor Celso Emilio Ferreiro e que reunirán até o domingo a estudosos, intelectuais e escritores que falarán e discutiran sobre a figura e a obra do autor. O congreso, organizado pola Consellaría de Cultura, forma parte dos actos conmemorativos do vintecinco cabodano do poeta. Xosé Luis Méndez Ferrín, Víctor F. Freixanes, Isaac Díaz pardo, Gonzalo Navaza, Miro Villar, ou Ramiro Fonte son algúns dos que participarán estes tres días nas xornadas que se celebran no edificio administrativo da Xunta.
Máis información no sitio web do Congreso Celso Emilio Ferreiro
