Santiago contará cun centro para investigar a historia gráfica, sonora e documental da cidade

Santiago é unha cidade singular con moita historia. Por iso, a concellaría de Cultura acaba de presentar o proxecto de recuperación arquitectónica e os contidos dun centro que se encargará de analizar e investigar o seu pasado para dalo a coñecer. O centro leva o nome de Ánxel Casal, está situado na rúa Galeras e contará, entre outros, cunha fototeca que compilará as imaxes da cidade, cun arquivo oral, cunha biblioteca e con diferentes espazos para acoller propostas culturais e artísticas dos artistas locais. Ademais, o centro tamén promoverá 5 proxectos anuais que se centrarán en tres temas: “Historia de Compostela e recuperación da memoria histórica”; “Compostela hoxe” e “A proxección exterior de Compostela”.

Centro Ánxel Casal

Fonte: Concellaria de Cultura de Santiago de Compostela