Logo dunha certa agarda, finalmente a biblioteca nodal de Santiago de Compostela, que levará o nome de Ánxel Casal, abrirá as súas portas o vindeiro 28 de marzo. Segundo anunciou hoxe a Consellaría de Cultura, o centro contará xa daquela cuns 60.000 volumes entre libros, DVDs, Cds e outros materiais. Entre as novidades do edificio estará unha Bedeteca, coa que se quere prestar unha especial atención á banda deseñada.
