Teñen entre sete e once anos de idade e xa publicaron o seu primeiro fanzine, “Tacreco”. Son os arredor de vinte nenos e nenas que participaron na Taller de Creación de Cómic da Deputación da Coruña que impartiron ao longo dos dous últimos meses Brais Rodríguez, Roque Romero, Fernando Seage e Luís Liaño. A obra presentouse sábado na Biblioteca Provincial da Coruña. Na mesma cidade, a Biblioteca Municipal Infantil e Xuvenil acolle hasta o final deste mes unha exposición sobre os cincuenta anos de Mortadelo e Filemón. Para rematar, o pasado venres inaugurábase a biblioteca Ánxel Casal, en Santiago de Compostela, que conta cun fondo de 3000 volumes de banda deseñada na súa maioría dispoñibles para préstamo a domicilio e organizados nunha sección propia. No mesmo centro pode verse unha exposición didáctica sobre os recuros da BD.
