O IGAEM resolve a súa convocatoria de axudas no Día Mundial do Teatro

Hoxe, 27 de marzo, é o Día Mundial do Teatro. Unha efeméride onde o drama é o protagonista por múltiples motivos. En primeiro lugar, porque se produce a habitual declaración institucional en apoio desta arte. En segundo lugar, porque é o día no que se conceden os Premios María Casares (Teatro Rosalía, 21:30 horas). Por último, porque o Diario Oficial de Galicia fai públicas hoxe as subvencións concedidas para o sector escénico e musical para este ano 2008 nas modalidades do crédito-cultura e na asistencia a feiras e distribución de espectáculos.