A Tuerka 27 abre o seu proxecto á produción propia de espectáculos teatrais

“Hai moito sangue hoxe. Debe ir ben o negocio”. Con este subtítulo anúnciase O xardín das Pernas Roubadas, o proxecto que se estreará en outubro no Teatro Rosalía. Esta montaxe teatral integra grandes novidades. En primero lugar porque supón a estrea da Tuerka Teatro nos espectáculos de produción propia. Este espazo de microteatro abre así unha nova etapa na que se implican Daniel Currás, Xoán Carlos Mejuto, Iria Ares, Marita Martínez e Iván Ferreiro. En segundo lugar, porque a proposta teatral se financiará con cargo a dúas fontes: a recadación de espectáculos autoproducidos que terán lugar nesta semana (do 13 ao 18 de maio), así como unha campaña de crowfunding.

Do 13 ó 19 de maio, ATuerka 27 programará unha serie de espectáculos de teatro, humor e música que recadarán fondos para a producción desta montaxe. As citas destes espectáculos son as seguintes:

Tres, tres, tres (Mércores 15 de Maio)Espectáculo teatral composto por tres pezas breves de Xoán Carlos Mejuto interpretadas polos actores Xaquín Domínguez, Marita Martínez e o propio Mejuto. Todas elas dirixidas por Iria Ares.

Gala de Monologusitas (Xoves 16 de Maio, ás 21:30h)Pedro Brandariz, Alberto da Sinda, Jandro Darriba, Igor Vizoso e Marita Martínez.

Gala de Comedia(Venres 17 de Maio, ás 22h) unha gala de humor na que poderedes disfrutar de xogos de improvisación, esceas cómicas e outras sorpresas.

Gran Festa do Xardín das Pernas Roubadas(Sábado 18 de Maio, ás 22h) A peza de microteatro, Qué bueno es ser presidente!, a presentación do monólogo de Daniel Currás e unha actuación musical de peche na que Iria Ares participará cantando algúns temas. Ademais, este día haberá un sorteo de camisetas e entradas para espectáculos programados neste espazo.