Vigo abrirá as retrospectivas que traerán a obra de Fernando Botero a España

A monumentalidade e a orixinalidade de Fernando Botero chegará á Casa das Artes de Vigo no último trimestre do ano da man do Concello e da Fundación Caixa Galicia. A entidade financeira continúa nas liñas das exposicións de gran formato que xa iniciou con Frida Khalo ou Tamara de Lempicka, e súmase ao proxecto do artista que prometera traer a Valencia e a Barcelona dúas retrospectivas da súa obra. A exposición fai parte do convenio asinado entre a Fundación e o Concello Olívico polo que a entidade investirá 900.000 euros en actividades culturais e millón e medio máis a través da Obra Social.