A Fundación Caixa Galicia e o IVAM achegan desde onte en Vigo unha visión artística dun dos feitos máis dramáticos da historia recente: as torturas e vexacións realizadas na cadea de Abu Ghraib. En 95 obras, o pintor Fernando Botero (Medellín, Colombia, 1932) reflexiona sobre o horror e a barbarie cometidos polos soldados americanos contrapoñendo o cárcere á visión onírica dos espectáculos circenses. A mostra, que leva o título “Fernando Botero. Abu Ghraib. El circo”, poderase ver na Casa das Artes en Vigo ata o 1 de febreiro.
