Entre Brigantium e A Coruña hai oitocentos anos de historia. Os que nos separan desde a carta que emitiu a Casa Real o 1 de xuño de 1208 e que supón a creación da cidade. E para conmemorar a efeméride, o concello herculino iniciará no mes de abril unha extensa programación que inclúe desde concertos a festivais de teatro, rutas históricas e homenaxes aos coruñeses máis ilustres (MarÃa Pita, Emilia Pardo Bazán, Santiago Casares Quiroga ou MarÃa Casares, entre outros). A programación contará cun orzamento de 1.5 millóns de euros (financiado ao 80% con cartos privados), e o núcleo central serán os actos de apoio á candidatura da Torre de Hércules a ser recoñecida como Patrimonio da Humanidade.
