O achado casual de restos motivará unha prospección arqueolóxica ante a costa de Xove

Unha investigación arqueolóxica tentará comprobar a existencia de restos arqueolóxicos fronte á costa de Xove, en Lugo. O pasado verán unha draga recuperou casualmente do fondo mariño restos de vaixela, anacos de pezas de artillería e outros materiais datados aproximadamente entre os séculos XV e XVI. Segundo Cultura está previsto que os traballos se inicien entre este mes o vindeiro para comprobar a posibilidade de que exista un buque afundido na zona.