Ánxela Bugallo, conselleira de Cultura, acudía hoxe a Ourense con tres citas na súa axenda. En primeiro lugar, presentar o convenio para a redacción do Plan Especial das Burgas. Un documento que marca os criterios de protección aplicables ao espazo delimitado polo conxunto, declarado Ben de Interese Cultural (BIC) hai un ano. En segundo lugar, visitou as obras de restauración da Capela do Cristo, na Catedral de San Martiño e, por último, presentou as reformas que o seu departamento vai realizar no edificio do Liceo. Cun orzamento de 170.000 euros preténdese recuperar o Salón Nobre e o Patio de Columnas deste centro que conta coa declaración de BIC singular.
