O pasado mes de febreiro a Sociedade de Xestión do Plan Xacobeo anunciaba un investimento de 350.000 euros para recuperar o Pórtico do Paraíso e da Capela de San Xoán na Catedral de San Martiño. Sen embargo, segundo anuncia o xornal La Región o cambio de xerencia no Plan Xacobeo, agora asumido por Ignacio Santos, acaba de paralizar estas actuacións. Unha decisión que ocasionou o malestar do Bispado ourensá que tentou rehabilitar este patrimonio ata en catro ocasións.
