Cultura e o bispado reactivarán o proxecto do Pórtico do Paraíso

Despois de catro intentos frustados para recuperar o Pórtico do Paraíso e da Capela de San Xoán na Catedral de San Martiño (Ourense), parece que a restauración se vai desbloquear. Así o asegura o bispado ourensá ante a solicitude da consellaría de Cultura para que o seu titular, Roberto Varela, se entreviste coas autoridades relixiosas desta diócese durante o vindeiro mes de setembro. Canda esta parálise, a parada e a reanudación continuada das obras do Claustro de San Francisco (Ourense) acaba de colmar a a paciencia da comunidade franciscana. De feito, o ministro xeral desta orde relixiosa (á que pertenceu o edificio) acaba de criticar en La Voz de Galicia o estado do inmoble, ao tempo que insta ás autoridades administrativas a axilizar as obras de reforma.