O Pórtico do Paraíso terá que agardar pola súa rehabilitación

O anterior responsable do Xacobeo anunciara a súa intención de achegar 250.000 euros á rehabilitación do Pórtico do Paraíso, na Catedral de Ourense. O pasado mes de febreiro, a Comisión Cuarta do Parlamento lle solicitou ao Goberno que iniciase de xeito inmediato as obras para recuperar este ben patrimonial. Malia a isto, o conxunto non verá neste 2010 traballos de rehabilitación. Así o anunciou o pasado sábado Ignacio Santos, xerente da Sociedade Anónima de Xestión do Plan Xacobeo durante unha visita á cidade. Segundo el, o anterior responsable do Xacobeo non deixara investimentos consignados con este fin, e ao longo deste ano a Sociedade priorizará o investimento en actividades culturais e mais na mellora dos Camiños Xacobeos.