O concurso para seleccionar o Director de Acción Cultural da Fundación Cidade da Cultura xa ten vencedor. Ignacio Santos, ata o de agora xerente da Sociedade Anónima de Xestión do Plan Xacobeo foi seleccionado entre os catro candidatos que se presentaron á convocatoria pública para o posto. Entre as súas responsabilidades estará, segundo anunciou Cultura, "a planificación, coordinación e xestión da programación cultural, a elaboración dun Plan de Marketing e Comunicación tanto para o complexo arquitectónico como para os contidos e a implementación dun sistema para optimizar a xestión dos visitantes da Cidade da Cultura cun alto nivel de excelencia".
