O Xacobeo recuperará o firme e os albergues do Camiño Primitivo

Catro millóns de euros destinaranse á recuperación do Camiño Primitivo a Santiago. O xerente da Sociedade Anónima de Xestión do Plan Xacobeo, Ignacio Santos, anunciaba onte o investimento na súa comparecencia ante a Comisión de Cultura do Parlamento. Os cartos destinaranse a reparación do firme, sinalización, mantemento e mais en reparacións e adecuación de albergues. A nivel patrimonial, prevense accións para restaurar bens na parroquia de Santa Cruz de Retorta (Guntín), Santiago de Prógalo, San Miguel de Bacurín (Lugo) e mais a Igrexa do Carmo nesa mesma cidade.