A mostra que o CGAC dedica a Darío Villalba coincide con outras exposicións do máis variado por toda a xeografía galega. Desde as fotografías de Delmi Álvarez ou os murais sobre as mulleres no terceiro milenio ós cadros de Angeles Jorreto ou as pinturas de estilo sumie-e do vilagarcián Juan Lameiro.
Darío Villalba
"Documentos básicos" é o título da exposición de Darío Villalba que se inaugura o vindeiro xoves no CGAC. Esta exposición reune obras inéditas na forma dun diario íntimo con imaxes recollidas desde 1957 ata hoxe mesturando pintura e fotografía. Estes documentos básicos son segundo o artista, obras en si mesmas aínda que en moitas ocasións son empregados coma bocetos para outras obras. Darío Villalba foi Premio Nacional de Artes Plásticas en España e representou o país na Bienal de Venecia.
Fotografías
A facultade de Políticas de Compostela acolle estes días unha selección de traballos do fotoxornalista Delmi Álvarez. En branco e negro e cunha fonda ollada humanista atopamos a testemuña da emigración galega no mundo e da actualidade informativa durante a Transición. Pola súa banda o Liceo de Ourense acolle a mostra "As mulleres galegas no terceiro milenio", organizada polo Servicio Galego de Igualdade que amosa mediante rurais a evolución da situación da muller en diferentes campos.
Pinturas
Ángeles Jorreto presentou onte a súa última mostra no Edificio Simeón de Ourense. A exposición, titulada "Substancia e matices" recolle os seus cadros máis recentes, todos eles cunha característica presencia da cor coma elemento esencial. A mostra poderá verse ata o día trinta deste mes. No Exposalnés de Cambados pode visitarse desde onte e ata vindeiro día catro unha mostra das pinturas na técnica xaponesa sumie-e do pintor vilagarcián Juan Lameiro
