O Centro Torrente Ballester de Ferrol inaugura hoxe a exposición "Realmente?", unha mostra colectiva que recolle as creacións de varios pintores realistas galegos. A exposición pretente recoller os diferentes xeitos de recoller a realidade por parte de artistas xa consolidados.
Artistas
Entre os participantes na exposición atopamos nomes coma Elena Fernández Galgo, Roberto González, Quintana Marelo, Manuel Vilariño, Xurxo Gómez Chao ou Xosé Lois Loureiro entre outros. A exposición conta co comisariado de Bernardo Castelo, para quen a escolma de obras realizada "conta unha enorme potencia visual e espectacularidade das imaxes e as técnicas", así coma un grande trasfondo sociolóxico.
Unha tese
Segundo o comisario da mostra, Bernardo Castelo, a mostra preséntase coma unha tese sobre a relación entre a imaxe e a realidade, presentando unha estructura case literaria. A división da obra en tres partes permite que estas sexan vistas de xeito independente e que ademais inclúen referencias escritas que permiten unha lectura complexa da colectánea.
Terceira exposición
Duranta a presetnación da mostra o concelleiro de cultura de Ferrol, Bonifacio Borreiros, destacou o feito de ser esta a terceira exposciión simultánea que acolle simultaneamente o centro Torrente Ballester. Actualmente tamén están en marcha a colectiva "Miradas Virxes" e a obra do escultor Caxigueiro.
