CORREO
RSS
Ti estás aquí > Inicio / / Grampoder dá a coñecer o seu Amuleto
Grampoder dá a coñecer o seu Amuleto
abril 29, 2024
Once anos despois da súa presentación, o dúo Grampoder, composto polos antigos membros de The Homens LeRoi e MartinWu, presenta neste 2024 o seu cuarto álbum. Os dez temas de Amuleto afondan na vaga de rock escuro con influencias indies do seu anterior traballo.
Percusións densas e un baixo potenciado da man de LeRoi combínanse coa distorsión das guitarras e a voz de Martin Wu nunha colección de cancións que manteñen o interese por temas coma "o tedio vital, a traizón de baixa intensidade aos principios propios, o doloroso paso do tempo e a posición do individuo fronte a un mundo que o impulsa a unha vida irracional e insatisfactoria", segundo salienta a presentación do traballo.
Gravado por Jacobo Iglesias e Adrián Longart nos Estudios Potemkin, o álbum ten este 3 de maio a súa presentación ao vivo cun concerto na compostela Sala Sónar a partir das 22 horas.