Ir ao contido directamente.


Ti estás aquí > Inicio / NOTICIA / Danza 3 chegará a 18 concellos na súa nova edición

XACARANDAINA, O FIADEIRO E CANTIGAS E AGARIMOS CONTINúAN A PROTAGONIZAR OS ESPECTáCULOS DESTE PROGRAMA

Danza 3 chegará a 18 concellos na súa nova edición

FOLK | abril 12, 2024

imaxe non dispoñible

A música e o baile tradicional que propón o programa Danza 3 achegarase este 2024 a un total de 18 concellos ata o vindeiro mes de setembro. A Axencia Galega das Industrias Culturais presentaba este 12 de abril a duodécima edición do programa, que protagonizan un ano máis as formacións Xacarandaina da Coruña, O Fiadeiro de Vigo e Cantigas e Agarimos de Santiago de Compostela.

O Fiadeiro abrirá o calendario de actuacións este 14 de abril en Vedra. Melide, o día 28, Ribadavia (17 de maio), Vilanova de Arousa (4 de agosto), Agolada (11 de agosto) e Verín (data por anunciar) completan as actuacións desta formación.

Cantigas e Agarimos iniciará en Cangas o16 de maio a súa participación neste ciclo. Oroso, o día 17, Boqueixón (19 de maio), Marín (14 de xullo), O Valadouro (1 de setembro) e O Carballiño (día 16 do mesmo mes) completan a súa xira.

Finalmente, Xacarandaina realizará catro actuacións de baile que arrancarán o domingo 28 de abril en Ortigueira e continuarán en maio en Abegondo (día 11) e en agosto en Ribadeo (día 14) e Meira (día 25). Ademais, actuará coa súa formación musical en Betanzos o 31 de maio e en Dumbría o 26 de xullo.