Ir ao contido directamente.


Ti estás aquí > Inicio / DISCO / aCentral Folque lanza Antonio Fraguas e a memoria musical de Cotobade

O CONSELLO DA CULTURA ACOLLE A PRESENTACIóN DO NOVO LIBRO-CD

aCentral Folque lanza Antonio Fraguas e a memoria musical de Cotobade

FOLK | decembro 12, 2019

memoria_mus_cotobade_fraguas_groba.jpg

Xavier Groba asina o último lanzamento de aCentral Folque na súa colección Chave Mestra. Antonio Fraguas e a memoria musical de Cotobade é un libro-CD que recolle un cancioneiro musical inédito do homenaxeado no Día das Letras deste 2019, unha colección de partituras de Cotobade compilada por Saturnino Cuiñas e gravacións dos traballos de campo realizados na zona por investigadores como Alan Lomax, Gustav Henningsen ou María Vidal entre outros.

A obra conta cun estudo do musicólogo Xavier Groba na que supón a primeira análise en profundidade da tradición musical deste territorio. As transcricións realizadas por José Luís do Pico, os textos das pezas recollidas e unha selección de 70 fotografías orixinais completan o volume de 240 páxinas. O Consello da Cultura Galega acolle a presentación desta obra na tarde do 12 de decembro.

Tamén che pode interesar:

datos do disco