MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / DISCO / Azos Jazz achegará ao público sons vencellados a Galicia

Unha serie de discos dedicados ao jazz vencellado, dun ou doutro xeito a Galicia e a servir como plataforma dos talentos emerxentes. Esta é a proposta que fai o selo Falcatruada con Azos Jazz, unha colección que se presenta hoxe mesmo con Introducing Álvaro Vieito, o primeiro álbum deste guitarrista e compositor do Porriño con oito temas propios e acompañado polo saxo de Masahiro Yamamoto, Ross Gallagher ao baixo, Max Gómez á batería e a colaboración de Abe Rábade.

Segundo explica Abe Rábade, coordinador do proxecto, a intención é publicar dous discos por ano, sen se cinguir a estilos ou tendencias concretas. Os interesados en coñecer este primeiro proxecto, teñen mañá o vindeiro martes 20 de abril unha cita no Salón Teatro de Compostela, onde o grupo actuará no ciclo ST Música presente. A obra poderá adquirirse a partir do vindeiro 27 de abril en tendas virtuais e mais en establecementos especializados grazas á distribución de Karonte. Para antes do verán está previsto o lanzamento da segunda entrega desta colección, un disco que recolle o directo do Bill Goodwin Quartet no Parque de Bonaval durante o pasado Festival dos Abrazos e que se presentará con cinco concertos no Lincoln Center de Nova York.