O selo Edicións Morgante presenta esta semana a edición completa e anotada en dous volumes de contos e novelas protagonizados polo detective británico Sherlock Holmes, paradigma do método deductivo na narración policíaca. Esta magna obra de Sir Arthur Conan Doyle inclúe máis de 2.000 notas con cumprida información sobre os personaxes e o fascinante Londres do período vitoriano, ademais de resumir as innumerables teorías e observacións que os devotos holmesianos foron deitando cos anos. Para celebrar a sída desta obra Edicións Morgante e Cultura Galega.org queremos agasallar a algún ou algunha de vos cun lote de diversos libros desta editorial que sortearemos entre todos os que contestedes correctamente a seguinte cuestión: Dinos o título de algún dos relatos incluído no Volume II de Sherlock Holmes Anotado, de Edicións Morgante.


As respostas enviaranse antes das 15 horas do martes 30 de abril ao correo lg3@culturagalega.org


O correo debe levar como asunto “sorteo Holmes” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria.


O resultado do sorteo farase público durante a mañá do xoves 2 de maio no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Edicións Morgante e non serán almacenados en ningunha base de datos nin usados para ningunha outra finalidade.



Sorteo finalizado



Resposta: O regreso de Sherlock Holmes

Gañadora:
Raquel González Varela