O pasado martes 5 de marzo de 2013, a Fundación Otero Pedrayo celebrou na Casa Grande de Cima de Vila, en Trasalba o 125 aniversario do nacemento de don Ramón Otero Pedrayo. Ramón Otero Pedrayo (Ourense, 5 de marzo de 1888- 10 de abril de 1976) é unha das grandes figuras da literatura e a cultura galega, personalidade sobranceira da chamada Xeración ou Grupo Nós, do que formaron parte entre outros Alfonso Daniel Rodríguez Castelao, Vicente Risco, Antón Losada Diéguez, Florentino López Cuevillas, etc.

Otero Pedrayo pertence ao grupo de intelectuais que, sobre todo no primeiro terzo do século XX, construíron o que podemos denominar “a cultura galega da modernidade”; foi tamén un dos fundadores da Editorial Galaxia. Con libros de poesía desta editorial queremos desde Cultura Galega.org celebrar este aniversario sorteando dous lotes de libros da colección Dombate de poesía de Galaxia entre todos os que contestedes correctamente a seguinte pregunta: Cal é o título do único libro de poesía que publicou Otero Pedrayo en vida?



As respostas enviaranse antes das 15 horas do mércores 13 de marzo ao correo lg3@culturagalega.org .


O correo debe levar como asunto “sorteo Otero Pedrayo” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá seis nomes de xeito correlativo.


O resultado do sorteo farase público durante a mañá do xoves 14 de marzo no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Editorial Galaxia e non serán almacenados en ningunha base de datos nin usados para ningunha outra finalidade.

Sorteo finalizado



Resposta: Bocarribeira. Poemas pra ler e queimar (1958)

Gañadores:
Francisco García Quiroga
Cristina Fernández Santomé