No verán é tempo de que os pequenos e pequenas da casa xoguen e se divirtan máis ao aire libre, no campo ou nas praias, pero tamén hai tempo para parar a descansar un pouco e ler libros. Agasalla aos máis cativos cun destes dous lotes de libros ilustrados da Editorial OQO de entre as súas máis recentes novidades editoriais, ben seguro que han gozar léndoos baixo unha árbora, na praia ou tranquilamente na casa. Ofrecémosche agora a posibilidade de obter un dos dous lotes de libros que sorteamos de OQO da súa colección O para lectores de entre 3 e 7 anos. Sortearemos os lotes entre todos os que participedes respondendo a unha sinxela pregunta: Que libro do catálogo de OQO elixirías para os teus cativos ? Elixe un do catálogo que podes ver en Lg3 e envíanos o seu título e a ligazón que leva a el como resposta.



As respostas enviaranse antes das 14 horas do xoves 19 de xullo ao correo lg3@culturagalega.org .


O correo debe levar como asunto “sorteo OQO” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá un nome.


O resultado do sorteo farase público durante a mañá do venres 20 de xullo no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de OQO e non serán almacenados en ningunha base de datos nin usados para ningunha outra finalidade.

Sorteo finalizado


Gañadores:
- Xosé Avelino González Fernández
- Cecilia Vaamonde Tato