No noso soportal de literatura vimos de publicar unha excelente crítica de Antía Marante sobre o poemarío O mariñeiro con cabalos matutinos baixo o vestido asinado por Elías Knörr, alter-ego islandés do poeta e tradutor cangués Elías Portela. A publicación deste libro débese a un dos anovadores proxectos editoriais xurdidos nos últimos tempos, Edicións Barbantesa, que xa dispón dun catálogo con moita personalidade que ofrecer en narrativa e poesía. Culturagalega.org coa colaboración da editorial Barbantesa agasallará cun lote de libros desta orixinal editorial a través dun sorteo que fará entre todos os que contestedes á seguinte pregunta: A que fai referencia en islandés o nome Knörr que usa Elías Portela como heterónimo?




As respostas enviaranse antes das 15 horas do luns 25 de xuño ao correo lg3@culturagalega.org


O correo debe levar como asunto “sorteo Barbantesa” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá un nome.


O resultado do sorteo farase público durante a mañá do martes 26 de xuño no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Barbantesa e non serán almacenados en ningunha base de datos nin usados para ningunha outra finalidade.

Sorteo finalizado


Resposta: fai referencia a barcos nórdicos empregados para o comercio.


Gañadora: Carme Otero