Este 17 de maio cumpriranse 50 edicións do Dia das Letras Galegas, unha data consagrada á exaltación e promoción da nosa literatura e da nosa lingua arredor da cal se celebran no noso país, e no estranxeiro, numerosas producións e eventos culturais de homenaxe á figura escollida. Este ano a Real Academia Galega, escolleu a Valentín Paz Andrade como figura senlleira da que dar a coñecer a súa vida e obra. Cultura Galega coa colaboración da editorial Galaxia e da Biblioteca do Consello da Cultura Galega saca os libros dos andeis e espállaos agasallando cinco lotes de libros entre todos os que contestedes a unha sinxela pregunta: Por que se escolleu o 17 de maio para facer esta celebración das letras galegas?

As respostas enviaranse antes das 15 horas do luns 21 de maio ao correo lg3@culturagalega.org .


O correo debe levar como asunto “sorteo DLG” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá cinco nomes.


O resultado do sorteo farase público durante a mañá do martes 22 de maio no portal na páxina desta promoción e comunicaráselle directamente aos gañadores ou gañadoras pedíndolles o seu enderezo postal.

Os datos de contacto só terán como uso facer o envío dos libros de Editorial Galaxia e non serán almacenados en ningunha base de datos nin usados para ningunha outra finalidade.

Sorteo finalizado


Resposta: O 17 de maio conmemórase o aniversario da edición do libro Cantares gallegos de Rosalía de Castro.


Gañadores/as:

1. Noelia Candal Suárez

2. Antonio Barreira Pazos

3. Carlos Lixó Gómez

4. Natalia Liñares Becerra

5. Óscar Manuel Martínez Iglesias