O pasado 2 de abril celebrouse o Día Internacional do Libro Infantil. A literatura para cativos é un dos segmentos máis potentes e activos do noso sistema editorial e de lectores. En Galicia temos numerosos autores e autoras, así como ilustradores que fan libros xeniais para comezar o camiño da lectura asegurando o entretemento e a aprendizaxe de valores culturais e humanos sen renunciar para nada á diversión. Na Editorial Galaxia son bo exemplo destes traballos os que publican baixo a súa colección Árbore. Ofrecémosche agora a posibilidade de obter un lote de libros que sorteamos de Galaxia da súa colección Árbore (laranxa e azul) para lectores/as a partir de 8 anos. Sortearemos o lote entre todos os que contestedes correctamente unha sinxela pregunta: Cal é o motivo da escolla do 2 de abril como Día Internacional do Libro Infantil?



As respostas enviaranse antes das 15 horas do luns 16 de abril ao correo lg3@culturagalega.org .


O correo debe levar como asunto “sorteo Árbore” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá un nome.


O resultado do sorteo farase público durante a mañá do martes 17 de abril no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Editorial Galaxia e non serán almacenados en ningunha base de datos nin usados para ningunha outra finalidade.

Sorteo Finalizado


Resposta: Porque coincide coa data do nacemento do escritor danés Hans Christian Andersen.

Gañador: César Álvarez Vázquez