O Centro Comercial Área Central de Compostela acolle entre o 2 e o 4 de marzo o primeiro outlet do libro. A iniciativa conta coa participación de varias editoriais da área de Santiago entre as que está a editorial Urco, todas elas porán á venda material descatalogado, restos de edicións ou volumes con taras a prezos que estarán entre o 1,5 e os 3 euros. Se non podes ir ata alí ofrecémosche agora a posibilidade de obter un dos dous lotes de libros que sorteamos de Urco Editora, libros de terror e ciencia ficción desta editorial especializada. Sortearemos os lotes entre todos os que contestedes correctamente unha sinxela pregunta: En que colección de Urco Editora está publicado o libro O mundo secreto de Basilius Hoffman?



As respostas enviaranse antes das 15 horas do mércores 7 de marzo ao correo lg3@culturagalega.org .


O correo debe levar como asunto “sorteo URCO” e incluír o nome e apelidos, o teléfono e o número de DNI da persoa que participa.


Cada persoa só poderá participar unha vez e a través dunha soa conta de correo.


Entre todos os nomes dos participantes levarase a cabo un sorteo cun programa de selección aleatoria que elixirá tres nomes de xeito correlativo.


O resultado do sorteo farase público durante a mañá do xoves 8 de marzo no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Urco Editora e non serán almacenados en ningunha base de datos nin usados para ningunha outra finalidade.

Sorteo finalizado


Resposta correcta: Colección Alcaián

Gañadores:

Ánxela Chillón Álvarez

Xoan Sampaiño Villagra