Está a rematar un ano cheo de noticias sobre a cultura en Galicia, algunhas boas e outras malas. Entre as boas está por exemplo o esforzo continuado de moitas das editoras do país por ofrecer cada vez mellores e máis imaxinativos produtos, como a recente edición do libro Criaturas. Só lles falta falar baseado no programa de televisión do mesmo nome ou os libro-discos para cativos da formación Mamá Cabra, os dous debidos a Editorial Galaxia. E estes son os agasallos que podes gañar neste sorteo: un lote comprendido por un exemplar do libro Criaturas. Só lles falta falar e un exemplar do libro- disco Ola.ola.la!. Para conseguilos destaca de entre todas as noticias que nós editamos ao longo do 2011 a que che pareza máis relevante para ben ou para mal e poderás entrar no sorte dun lote de dous libros infantís da Editorial Galaxia que poden ser un perfecto agasallo de Reis. Sorteamos un lote destes dous libros doados por Editorial Galaxia entre todas as persoas que “twiteedes” a través dos vosos perfís algunha noticia do 2011 da nosa Hemeroteca incluíndo en todos eles a “etiqueta #culturagalega2011 e a fonte “via@culturagalega”, é moi doado a través do botón de envío a Twitter de cada noticia.



A noticia seleccionada publicarase en Twitter usando o botón que incluímos na correspondente páxina de noticia e que xa inclúe automaticamente a etiqueta e a fonte. Simplemente tes que escoller na nosa hemeroteca a noticia que máis te preste, pinchar nela e "twitteala".

A mensaxe en Twitter deberá comezar coa etiqueta #CULTURAGALEGA2011 e rematar con “via@culturagalega” levando entremedias o título da noticia seleccionada e a súa ligazón.

Tedes toda esta semana para facelo ata as 12 horas do 29 de decembro.

Cada persoa só poderá participar unha vez a través dun perfil identificable de Twitter. As participacións a través de perfís con pseudónimo non entrarán no sorteo.

Entre todos os nomes dos participantes levarase a cabo un sorteo cun programa de selección aleatoria que elixirá un só nome.

O resultado do sorteo farase público durante a mañá do venres 30 de decembro a través do perfil de Culturagalega en Twitter e no portal nesta páxina de Promocións.

Á persoa gañadora pediránselle os seus datos de contacto para facerlle o envío dos libros de Editorial Galaxia.

Sorteo pechado


Gañador:

@lg_an (Antón)