A celebración do Día Internacional de Literatura Infantil e Xuvenil abre o mes do libro e a lectura atendendo a unha parte moi importante da produción editorial. Segundo o Anuario elaborado pola editorial SM a LIX medrou no último ano moi por riba do resto da edición literaria. Segundo a análise galega do informe, elaborada por Xosé A. Neira Cruz, 498 libros dos 1.706 editados en Galicia no 2006 foron de literatura infantil e xuvenil evidenciando así o dinamismo e bo momento deste “xénero”. Unha das editoriais de referencia deste eido, Kalandraka, celebra ademais nesta data o seu noveno aniversario con edicións de autores novos e clásicos así como participando na VII Campaña de Animación á Lectura do Concello de Santiago.
Máis información en Galicia Hoxe
e no informe Anuario de Literatura Infantil e Xuvenil de SM
