O Concello de Moeche está a ultimar o proxecto de recuperación do seu castelo. A instalación de balaustradas e varandas e a recuperación da porta principal son as accións pendentes neste recinto. Para isto, a cámara municipal solicitoulle 88.400 euros á Deputación da Coruña. Ao tempo, desde a Consellaría de Cultura anunciaban onte o investimento de 400.000 euros para recuperar o Castelo da Lúa, de Rianxo. Descubrir o foxo e delimitar os recintos que compuñan neste espazo son as principais actuacións previstas, que se prolongará ata 2008.
Máis información en Diario de Ferrol e en El Correo Gallego
