Unha plataforma veciñal defende o círculo lítico da Mourela mentres cultura inviste na consolidación do castelo de Narahío

As obras dunha autovía están a pór en perigo o círculo lítico da Mourela, nas Pontes, un monumento megalítico duns cinco mil anos. Ante esta situación, un grupo de veciños da zona organizouse nunha plataforma coa intención de impedir a destrución deste depósito. As últimas novas sinalan que a Dirección Xeral de Patrimonio ampliou en dúas semanas o prazo para completar o estudo que se está a facer no lugar, un período que o propio director da escavación considera insuficiente. Ao tempo, desde a Consellaría de Cultura acaban de anunciar o investimento de 150.000 euros para consolidar os restos do castelo de Narahío, en San Sadurniño.

Máis información sobre o círculo lítico en La Voz de Galicia, e en Vieiros; sobre o castelo de Narahío en Diario de Ferrol e en El Correo Gallego