Mellor espectáculo, director, actriz protagonista e dous dos tres actores secundarios. Son algunhas das dez candidaturas dos premios María Casares ás que opta “Imperial Café Cantante”, a superprodución de Teatro do Noroeste e o primeiro musical do teatro do país. Séguelle o CDG con cinco polas montaxes "Illa Reunión" e "O regreso ao deserto" (mellor vestiario, iluminación, actriz protagonista e espectáculo) e Áncora Producións e Teatro do Atlántico con catro. Os gañadores dos premios que concede a Asociación de Actores, Directores e Técnicos de Escena saberanse o 27 de marzo, no transcurso dunha gala que terá lugar no Teatro Rosalía da Coruña.
Máis información no web da AADTEG, en Galicia Hoxe e sobre anteriores candidaturas na nosa hemeroteca. Sobre a obra "lmperial Café Cantante" le o noso tema. Consulta a listaxe dos candidatos aquí (en pdf)
