Elixido xunto con outros oito escritores para participar na iniciativa WIT (branco, en lingua flamenca) o compostelán Xavier Queipo ven de situar o seu poema “As leis do caos: fluxo e mutabilidade” no patio do edificio do Concello de Bruxelas. O poema pode lerse alí ata o 17 de marzo no seu orixinal en galego así como engade traducións ao flamenco, inglés e francés. Todos os poemas presentáronse o día 2 de marzo nun recital no Museo de Belle-vue no que os propios escritores leron as súas obras. A obra de Queipo está feita para a ocasión e dedicada ao físico belga Ilya Prigogine, Premio Nobel de Física que investigou as leis do caos.
Máis información en Galicia Hoxe
