O vindeiro domingo 11 de novembro o escritor compostelán Xavier Queipo participará nun recital na Feira do Libro de Amberes, segunda cidade en importancia de Bélxica. Queipo lerá tres poemas en galego como integrante do grupo de poetas oficiais de Bruxelas durante o ano 2007. Queipo, afincado en Bruxelas desde fai anos, forma parte deste grupo xunto cos escritores Geert Van Istendael, Laurence Vielle e Manza. Os poemas de cada un deles leranse na lingua orixinal e simultaneamente proxectaranse nunha pantalla as traducións dos poemas ao neerlandés e ao francés. Este recital celébrase no contexto dos actos literarios do festival bianual de artes e cultura Europalia.
Máis información nos nosos arquivos