Dúas entidades canalizarán a participación pública e asesorarán ao goberno en materia ambiental

O Consello da Rede De Parques Naturais de Galicia e o Observatorio Galego da Biodiversidade son as dúas entidades que se crearán para protexer o noso medio. O primeiro encargarase de coordinar a xestión dos seis parques naturais que hai no país (Corrubedo e as fragas do Eume, na Coruña; monte Aloia en Pontevedra, Baixa Limia-serra do Xurés, serra da Enciña da Lastra e O Invernadoiro, en Ourense); mentres que o segundo encargarase de atender ás consultas sobre protección e recuperación de especies amenazadas na fauna e flora. Ambas entidades están pendentes do informe do Consello Consultivo de Galicia para a súa aprobación definitiva polo goberno da Xunta.

Máis información en El Correo Gallego e no web da Xunta sobre o Consello Galego de Parques Naturais e o Observatorio da Biodiversidade