"Galicia quería ser libre, pero todo se perdeu. Aquel soño, aquela derrota, aqueles milleiros de mortos, serviron para nos dar unha conduta, o noso deber no exilio". Así lembraba Arturo Cuadrado a fin do soño da Autonomía en 1936. Xornalista comprometido na loita contra as inxustizas sociais, desenvolveu un intenso traballo na campaña a prol do Estatuto galego durante a República, e mesmo foi Secretario da Comisión que redactou o texto. Un testemuño único que achega Xan Leira, logo da morte do seu protagonista, á nosa serie "Historias de Vida".
Mira o episodio en culturagalegaTV
